1906 දී දුම්බර මිටියාවතේ තෙල්දෙනිය මැණික් හින්න ගමෙන් උපත ලද එක්සත් සහකාර ණය දෙන සමූපකාර සමිති ව්‍යාපාරයට නව අරැතක් ලබා දෙමින් නිකවැරටිය මැතිවරණ කොට්ඨාශය තුල 1999 වසරේ දී සීමා සහිත නිකවැරටිය සණස සමිති සංගමය ආරම්භ කෙරිණි.

අප නිකවැරටිය සකසුරැවම් හා ණය ගණුදෙනු පිළිබද සමූපකාර සමිති සංගමය , සමූපකාර සංවර්ධන දෙපාර්තමේන්තුවේ 2000.12.20 දින වප/කු/ 339 යටතේ ලියාපදිංචිය ලබාගනිමින් නීත්‍යනුකූලත්වයට පත් ක්‍රියාකාරී සංගමයකි.

මෙලෙස සණස සංගමය බිහි වීමට ආරම්භක සාකච්ජාව 1998.12.15 දින සිදු කල අතර පළමු ගණුදෙණුව 1999.07.01 දින සී/ර කටගමුව සණස සමිතිය නමින් රැපියල් තුන්දාහකින් සිදුවිය. එම වර්ෂය අවසානයේ ප්‍රාග්ධනය රපියල් ලක්ෂ හැටහතරකි. අප 2017.12.31 වන විට රැපියල් මිලියන අටසිය හැටදෙකක් ඉක්මවා ඇත.

මෙවන් වත්කමක් හිමි අප සංගමය සණස ව්‍යාපාරයේ නියමුවන්ගේ යහපත හා සුභසාධනය වෙනුවෙන් කළණ මිතුරැ නමින් ක්‍රියාකාරී සුභසාධක අංශයක්ද සාමාජිකයන්ට ලබාදෙන ණය ආරක්ෂන වැඩපිළිවෙලක්ද ක්‍රියාත්මක කරනු ලබයි.

සංගමය නමින් නිකවැරටිය නගරය තුල ඉදිකර ඇති මනබන්දනීය දෙමහල් ගොඩනැගිල්ල අප සණස ව්‍යාපාරයේ ශක්තියයි. එමෙන්ම කොබෙයිගනේ නගරය තුළ පවතින සණස ප්‍රාදේශීය මධ්‍යස්ථානයද සාමාජිකත්වයට විශිෂ්ඨ සේවාවක් ලබාදෙනු ඇත. තවද සණස එන්ටර්ප්‍රයිස් නමින් බජාජ් යතුරැ පැදි අළෙවි ප්‍රදර්ශනාගාර දෙකක් නිකවැරටිය නගරයේ සහ හෙට්ටිපොල නගරයේ පවත්වන අතර කොබෙයිගනේ නගරයේද යතුරැපැදි අළෙවිය සිදු කරයි.

බැංකු කටයුතු කරමින් සමූපකාරකයින්ගේ ආර්ථිකයට ශක්තියක් ලබාදෙන්නා සේම නිකවැරටිය සණස සංගමය පහත වැඩසටහන් කෙරෙහිද වැඩි දායකත්වයක් ලබාදෙමින් සණස සමිති සමග ඒකාබද්ධව කටයුතු කරනු ලබයි.

•           සණස අඩු ආදායම් ලාභීන් විස්සකට අධික පිරිසක් වෙනුවෙන් නිවාස ඉදිකරීමේ කටයුතු ක්‍රියාත්මක කිරීම
•           කොට්ඨාශය තුළ මාර්ග සංවර්ධන කටයුතු , රෝහල් සංවර්ධන කටයුතු , වැව් පිළිසකර කිරීම්
•           දරැවන්ගේ අධ්‍යපන කටයුතු සාමාජික සහ නියමුවන්ගේ දැනුම ශක්තිමත් කිරීමේ දේශීය හා විදේශීය පුහුණු වැඩසටහන් තරග පැවැත්වීම.
•           සායන කටයුතු සංවිධානය කිරීම